Sipas PDK-së së Mitrovicës, Bahtiri e Mustafa nuk i kanë mbajtur premtime e tyre duke mos bërë asgjë në kthimin e shqiptarëve në Veri dhe duke mos hequr barrikadën në urën mbi lumin Ibër, njofton Klan Kosova.

Si pasojë e kësaj, anëtarët e PDK-së në Mitrovicë thanë se po ndërtohen edhe shtatore me karakter përçarës ndëretnik si ajo e Car Llazarit që është paralajmëruar se do të vendoset në Mitrovicën Veriore.

Dega e PDK-së në Mitrovicë ka kërkuar nga Qeveria e Kosovës dhe komuna e Mitrovicës që t’i kthejnë sytë kah Veriu ndryshe gjendja e vështirë momentale mund të shkaktojë dëme të mëdha për të ardhmen e Kosovës.