Bllokimin e seancës nga partitë opozitare si dhe mbajtja e saj në një sallë tjetër nga partitë në pushtet, janë parë si veprime jo të mira edhe nga shtypi ditor kosovar.

Të përditshmet e sotshme, në ballinat e tyre, pothuajse të gjitha janë tejet të ashpra me tituj.

Ajo që mbizotëron në shkrimet e të përditshmëve është se si veprimet e partive politike po e zhytin vendin në krizë, raporton lajmi.net.

E përditshmja “Zëri” në ballinë ka të shtypur titullin “TURP”, me një foto të partive opozitare që kanë hedhur gaz lotsjellës. E përditshmja tjetër “Koha Ditore” në shkrimin kryesor të ballinës shkruan “Politika po e zhyt vendin në krizë e kaos”.

Edhe të përditshmet tjera i kanë dhënë hapësirë kryesore ngjarjeve të fundit në Kuvend. Gjithashtu edhe mediat tjera nga rajoni e më gjerë.