Me anë të një komunikate për media Prokuroria, ka bërë të ditur se lidhur me rastin që ka ndodhur sot në seancë në vend ngjarje ka dalë edhe prokurorja e Prokurorisë Themelore të Prishtinës.

“Prokurorja e kujdestare nga Departamentin për Krime të Rënda në Prokurorinë Themelore të Prishtinës, pas marrjes së informacioneve për ngjarjet e zhvilluara sot në Kuvendin e Kosovës, ka dalë së bashku me Policinë e Kosovës për të bërë shikimin e vendit të ngjarjes dhe pas kësaj, në bazë të dispozitave të Kodit të Procedurës Penale ka filluar ndërmarrjen e veprimeve hetimore lidhur më këtë rast”, thuhet në komunikatë.

Prokurori i Shtetit në vazhdimësi do të njoftoj opinionin për veprimet hetimore, për aq sa e lejon Kodi i Procedurës Penale të Kosovës dhe ligjet tjera në fuqi.