Me këtë rast, koordinatori i festivalit, njëherësh edhe kryetar i fshatit, Selami Xh. Hoti, pasi përshëndeti mysafirët të shumtë, pos tjerash tha : ” Ju nëna të Krushës së Madhe, jeni bërë shembull se si ngritët prej hirit dhe me vullnet të madh dhe punë të palodhshme keni ngritur dhe shkolluar fëmijët duke mbajtur edhe familjet. Ju mysafirë jeni të mirëseardhur në Rahovec kryeqytetin e bujqësisë, jeni të mirëseardhur në Krushë të Madhe, vatër e punës dhe sakrificës”, raporton lajmi.net.

Ndërkaq, fjalë rasti mbajti edhe kryetari i komunës së Rahovecit, Idriz Vehapi, i cili tha se ky festival do të zgjerohet edhe më shumë në të ardhmen.

“Jemi sot këtu për të promovuar vlerat e punës, në Krushën e madhe të punës, mundimeve, djersës dhe sakrificës. Jemi këtu në festivalin e specit, festival i cili në vitet e ardhshëm do të zgjerohet dhe do të merr emërtim gjithëpërfshirë”, tha Vehapi.

Në këtë festival morën pjesë edhe Ministri i Financave, Avdullah Hoti, dhe përfaqësues të USAID dhe të Ministrisë së Bujqësisë. /lajmi.net