25 vjeçari Salvador kishte sulmuar 82 vjeçaren, Palmira Silva në shtëpinë e saj, duke e goditur disa herë me thikë, para se t’ia priste kokën dhe ta mbante lartë.

Disa video që janë publikuar, kanë shfaqur të bëmat e 25 vjeçarit i cili vuan nga skizofrenia me paranojë, dhe mundësinë që kishte t’i dëmtojë njerëzit e pafajshëm.

Të gjitha videot ishin regjistruar nga një helikopter policie, i cili po e përcillte atë, ndërsa sipas pamjeve ai nuk shihet i shqetësuar nga prezenca e helikopterit, raporton Indepedent.

Polici në helikopter dëgjohet teksa thotë “Probleme serioze mentale”, ndërsa pastaj vazhdon duke kërkuar ndihmë “Kemi nevojë sa më shpejtë për njësi policore për të shpëtuar jetë”.

Por, më pas, pas paralajmërimit të oficerit nga helikopteri, policia doli në vendin e ngjarjes duke siguruar kështu vendin nga të gjitha anët, dhe si rezultat parandaloi sulmin ndaj disa fëmijëve që mund të kishte rezultuar fatal, transmeton lajmi.net.

Por, kur Salvador u paraqit në gjykatë, u tha se ai kishte menduar që po vriste djaj, dhe kjo ishte arsyeja që po vraponte nëpër dyert dhe kulmet e fqinjëve.

Salvador, nuk u fajësua pasi që nuk pranoi të ketë vrarë dikë me qëllim. Ai do të dërgohet në një spital psikiatrik të sigurisë së lartë, ku do të kalojë pjesën e mbetur të jetës.