Këtë lansim e bënë Ministri i Shëndetësisë i Republikës së Kosovës Imet Rrahmani dhe Menaxheri i Bankës Botërore për Kosovën, Jan Peter Olters.

Në lansimin e këtij projekti, sipas komunikatës së MSh-së, ministri Rrahmani ka thënë se Projekti i financuar nga BB “përkrah rrugëtimin e shëndetësisë kosovare drejt mbulimit universal dhe përmirësimit të cilësisë së shërbimeve shëndetësore në përgjithësi, dhe në veçanti në kujdesin parësor shëndetësor.

Ministri Rrahmani ka thënë se ky projekt përkrah rrugëtimin e shëndetësisë kosovare drejt mbulimit universal dhe përmirësimit të cilësive së shërbimeve shëndetësore, në veçanti kujdesin parësor shëndetësor.

“Projekti përkrah reformën e financimit shëndetësor që në të vërtetë kërkon një koordinim të nivelit të lartë të gjithë faktorëve relevantë të sistemit shëndetësor”, ka thënë Rrahmani.

Menaxheri i BB-së për Kosovë Jan Olters ka thënë se projekti ka për qëllim forcimin e institucioneve, duke përfshirë edhe proceset e prokurimit për produkte farmaceutike dhe kujdesin shëndetësor edhe për të varfrit. Sipas tij, MSh është duke zbatuar reforma të rëndësishme për të adresuar dobësitë e shfaqura, kurse projekti synon që të reduktohen pagesat private duke përfshirë edhe ato për barna, sigurimin e shërbimeve më të mira nëpërmjet sigurimit të detyruar shëndetësor dhe përmirësimin e cilësisë së shërbimeve të kujdesit parësor shëndetësor nëpërmjet kontraktimit të bazuar në performancë, midis Komunave, MSH-së dhe Fondit për Sigurim Shëndetësor.

Projekti për Shëndetësinë në Kosovë është pjesë e marrëveshjes me Bankën Botërore, e cila krahas këtij projekti në shëndetësi, në janar të këtij viti ka nënshkruar marrëveshje me Qeverinë e Republikës së Kosovës për mbështetje edhe të Projektit për Efiçiencë të Energjisë dhe Energji të Ripërtëritshme ( 31 milionë dollarë).