Mbrojtësi i Barcelonës, Dani Alves, do të largohet nga klubi pas përfundimit të këtij sezoni.

Reprezentuesi brazilian është shumë pranë arritjes së marrëveshjes për transferim në Paris Saint-Germain.

Ish futbollisti i Sevillas nuk do ta vazhdojë kontratën e tij në Camp Nou, dhe do të largohet si futbollist i lirë pas përfundimit të këtij sezoni.

Në Parc des Princes atij i është ofruar kontratë trevjeçare me vlerë prej tre milionë euro në vit.

Por, Barcelona tashmë ka identifikuar opsionet për pasardhës të tij.

E ata janë: Matteo Darmian (Torino), Aleix Vidal (Sevilla), Mitchell Weiser (Bayern Munich), Hector Belerin (Arsenal).