Këto informacione u dhanë sot gjatë një takimi që pati Këshilli i ri ndërministror për parandalimin dhe luftimin e etheve hemorragjike në Kosovë.

Megjithëkëtë fakt trimërues, u kërkua kujdes i shtuar nga ana e qytetarëve, sidomos për periudhën mesi i majit-mesi i qershorit 2015, në zbatim të masave preventive, me qëllim të parandalimit të rasteve të etheve hemorragjike.

Në takim u raportua për aktivitetet e edukimit dhe vetëdijesimit shëndetësor në komunat më të rrezikuara, masat e repelimit të shtazëve dhe dezinsketimit të shtazëve nga ana e Agjencisë së Ushqimit e Veterinës, aktivitetet e dezinsektimit selektiv nga Komuna e Malishevës, si dhe aktivitetet e tjera të ndërmarra nga Ministria e Mjedisit dhe Planifikimit Hapësinor, si dhe Ministria e Bujqësisë.

Sipas komunikatës, këto masa do të vazhdojnë përgjatë tërë periudhës që është më e ndjeshme sa i përket mundësisë së shfaqjes së etheve hemorragjike, që bartet përmes pickimit të rriqrave .

Ndërkohë, në takim thuhet se është bërë e ditur se MSh dhe SHSKUK kanë siguruar terapi për raste eventuale të sëmundjes si dhe Klinika Infektive i ka kapacitetet e caktuara për të trajtuar në mënyrë specifike rastet eventuale të të prekurve nga këto ethe.

Gjithashtu, në takim u raportua se numri i pickimeve, krahasuar me të njëjtën periudhë të vitit të kaluar, është lehtësisht më i vogël./KosovaPress/