James ka thënë se Reali kërkon të shënojë fitore kundër Atletico Madridit në Ligën e Kampionëve pasi dëshiron që edhe në këtë sezon ta fitojë këtë trofe.

“Unë jam i lumtur që jam rikthyer nga lëndimi dhe që e kam ndihmuar skuadrën time për të shënuar fitore. Ne duhet të vazhdojmë në këtë rrugë”, tha James.

“Secila ndeshje është shumë e rëndësishme, ndërsa ndeshja kundër Atletico Madridit në Ligën e Kampionëve do të jetë speciale pasi ne dëshirojmë t’i mposhtim ata dhe të fitojmë në tërësi këtë garë”, përfundoi superylli kolumbian.

Përndryshe, James është njëri nga lojtarët kryesor të Realit, pasi një gjë e tillë është vërejtur në takimin kundër Granadës, duke qenë njëri nga më të mirët në fushë, edhe pse nuk kishte luajtur për 60 ditë.