Duke folur në emisionin “Zona e Debatit” në Klan Kosova, avokati Koci ka theksuar se deputetët kanë të drejtë të krijojnë komisione hetimore vetëm për strukturat që i ka krijuar Kuvendi i Kosovës.

“Dyshoj se një komision parlamentar çka mund të hetojë. Nëse SHIK-u është për t’u hetuar, atëherë këtë punë duhet me ia lënë Policisë dhe Prokurorisë”, ka thënë Koci.

Ndërkaq, eksperti i çështjeve të sigurisë, Florian Qehaja ka theksuar se nuk ka mbetur asgjë mbi bazën se për çfarë do të duhej të hetohej SHIK-u.

Edhe analisti Arben Ahmeti ka thënë se nëse SHIK-u nuk ka asnjë dokument për ekzistimin e tij, atëherë kjo është organizatë ilegale dhe Kuvendi nuk duhet të merret me të.