Kryefamiljari Rohan Bytyçi, i gjendur përballë kushteve të vështira ekonomike, ka lënë në shtëpi bashkëshorten me gjashtë fëmijë të vegjël, për t’u siguruar atyre një jete më të mirë,  raporton KTV.

Një person i moshuar thotë se është për të ardhur keq sesi fshati është boshatisur në masë të madhe, kryesisht nga të rinjtë.

Komuna ende nuk ka statistika se sa është numri i personave që kanë migruar, por thotë se shumica e qytetarëve kanë ikur për shkak të varfërisë.

Për një të ardhme më të mirë, kanë lënë punën edhe zyrtarë komunalë. Migrimi përbën shqetësim të madh edhe për komunën, por ky institucion nuk mund të bëjë më shumë për të ndalur qytetarët, thotë zëdhënësi i kësaj komune, Naim Ferati, raporton KTV.