Zyra e Kryeministrit në një njoftim për media thotë se Mustafa dhe ambasadorët e SHBA-së, Mbretërisë së Bashkuar, Francës, Gjermanisë, Francës dhe Italisë, kanë biseduar për zhvillimet e fundit në Kosovë. 

Në komunikatë nuk përmendet nëse temë e diskutimit ka qenë edhe “rasti” Jabllanoviq. 

“Kryeministri Mustafa ripërsëriti përkushtimin e Qeverisë së Kosovës për avancimin e gjithanshëm të proceseve, për ruajtjen e stabilitetit në vend si dhe për përmbushjen e prioriteteve të Qeverisë”. 

“Kryeministri Isa Mustafa po ashtu falënderoi ambasadorët e vendeve të Quint-it dhe të gjithë partnerët ndërkombëtarë për mbështetjen e vazhdueshme që po i japin Qeverisë në fuqizimin e proceseve në Republikën e Kosovës”, thuhet në komunikatën e qeverisë së Kosovës.