Ish sulmuesi i mirënjohur gjerman, Olivier Bierhoff ka lavdëruar përforcimin e ri të Interit, Xherdan Shaqirit.

Ish futbollisti i Udineses e Milanit në Serie A është optimist se ylli kosovar do të shkëlqejë në Giuseppe Meazza, ku erdhi gjatë këtij afati kalimtar të janarit nga Bayern Munich.  

“Sipas mendimit tim, Shaqiri ka bërë mirë që ka shkuar te Interi. Ai është një futbollist shumë kualitativ që di t’i bëjë për vete edhe tifozët”, deklaroi Bierhoff për “Blick”.

Shaqiri realizoi golin e tij të parë si futbollist i Interit në fitoren 2:0 ndaj Sampdorias të mërkurën që ia siguroi Nerazzurrëve kualifikimin për nëe çerekfinalen e Coppa Italia. Kjo ishte paraqitja e tij e parë si titullar për Interin.