Diego Simeone mund të largohet nga Atletico Madrid në fund të këtij sezoni. Por, ku do të shkojë? Në Real Madrid sigurt jo, këtë e tha sot vetë ai.

Mirëpo, sipas “Sky Sports”, strategu argjentinas mund të marrë drejtimin e kampionit në fuqi të Ligue 1, Paris Saint-Germain.

Laurent Blanc nuk i ka punët mirë në Parc des Princes dhe dita ditës sa vijnë e shtohen spekulimet rreth shkarkimit të tij.

Por, në rast se Simeone pranon të jetë pasardhës i francezit, atëherë kjo nuk do të ndodhë deri në verën e këtij viti.

Nëse Simeone nuk e pranon ofertën e PSG-s, objektivi tjetër i klubit francez do të jetë aktualisht selektori i Italisë, Antonio Conte.