Banka Qendrore njoftoi se bankës Trust ia akordoi kredinë në shumën prej 30 miliardë rublash (rreth 600 milionë dollarë), shkruan The Telegraph.

I goditur me valën e sanksioneve, pasigurinë gjeopolitike dhe çmimin gjithnjë e më të ulët të naftës, sektori bankar rus u cilësua si sektori më i ndjeshëm në këto kohë krize për Rusinë.

“Risku i bankrotit shtetëror është i ulët, por kur është në pyetje sektori korporativ, sidomos ai bankar, kemi një brishtësi shumë më të madhe”, tha ekonomistja Ana Stupnicka, transmeton lajmi.net.

“Korporatat nuk mund t’i ristrukturojnë borxhet e tyre, sepse nuk kanë qasje në tregjet ndërkombëtare të kapitalit shkaku i sanksioneve”.

Ngjashëm mendon edhe ish-ministri i Financave, Aleksej Kudrin: “Sot kemi hyrë në krizë të vërtetë ekonomike, kurse në vitin e ardhshëm do t’i ndiejmë pasojat me tërë fuqinë”.

Analistët ekonomikë paralajmëron se ekonomia ruse nuk do të mund të rikuperohet pa rritjen e çmimit të naftës apo pa heqjen e sanksioneve, të cilat janë zbatuar për arsye të aneksimit të Krimesë.

“Ajo që presidenti dhe qeveria duhet të bëjnë është normalizimi i raporteve ruse me partnerët afaristë, veçmas me BE-në dhe SHBA-të”, ishte konkluzioni i Kudrinit.

(Lajmi.net)