Shteti Islamik i Irakut dhe Sirisë ( ISIS ), ka publikuar fotot shokuese të ekzekutimit të dënimeve për personat e gjetur fajtorë në veprat e pretenduara prej tyre.  

Një burri të premten pas faljes së namazit në rrugët e qytetit sirian Al-Baba iu pre dora, sepse ai u gjet fajtor për vjedhje.

Ky dënim u ekzekutua në publik në mënyrë që ta shihnin edhe të tjerët. 

Një tjetër burrë u dënua për gjoja spiunazh për Asadin. Ai u dënua për vendosjen e një mikroprocesori për përgjimin nga afër të pjesëtarëve të ISIS, dhe u kryqëzua publikisht.

Javën e kaluar, tre burra u rrahën gjithashtu publikisht, shkaku se kishin konsumuar verë.

Dënimi është kryer në provincën irakiane të Kirkukut para një turme njerëzish të cilët ishin mbledhur për ta shikuar ngjarjen. (lajmi.net)