Aksident afër Bondsteelit, 8 të lënduar në ndeshje veturash
Një aksident i komunikacionit ka ndodhur në orët e vona në rrugën magjistrale Ferizaj -Gjilan në afërsi të fshatit Sojevë, me ç'rast lëndime kanë marrë tetë persona, dy prej të cilëve, pas dhënies së ndihmës së parë, janë transportuar për në Qendrën Klinike Universitare në Prishtinë.
Lajme
Policia e Ferizajt e ka konfirmuar rastin për KosovaPress, duke thënë se aksidenti automobilistik ka ndodhur në fshatin Sojevë në orën 19:00.
Zëdhënësi rajonal i policisë, togeri Agim Gashi ka thënë se aksidenti ka ndodhur kur dy makina janë përplasur mes tyre.
Gashi nuk i ka bërë të ditur shkaqet e aksidentit, por ka shtuar se të lënduarit janë dërguar në Emergjencën e Ferizajt, ndërsa dy prej tyre, me lëndime më serioze, janë dërguar në Prishtinë.
