Ashley Wood ka themeluar organizatën “Albanian Voices” pasi që ajo pohon se besa e shqiptarëve i kishte shpëtuar jetën.

“Tradita shqiptare e besës më shpëtoi jetën 2 vjet më parë teksa ndodhesha në Republikën Domenikane”, tregon Ashley Wood, themeluese dhe drejtuese e organizatës ‘Albanian Voices’ (‘Zërat shqiptarë’).

Ashlye ishte duke bërë kërkime për temën e saj të doktoraturës në një qytet të vogël, kur gabimisht e gjeti veten të rrethuar nga një grup njerëzish të rrezikshëm.

E gjithë skena, rrëfen ajo, u pa nga katër shqiptarë.

“Ishte si një skenë e dalë nga një film. Nuk më besohet ajo që po ndodhte. Shqiptarët nisën të më mbronin pa asnjë arsye tjetër, por vetëm për faktin se më konsideronin si mysafire në atë vend”.

Një koncept unik i kulturës shqiptare është tradita e besës, që do të thotë se jeta e mysafirit vlen më shumë se gjithçka dhe ai duhet të mbrohet derisa është në besën tënde.

“Isha aq e prekur dhe e frymëzuar nga kjo kulturë kaq e veçantë, saqë vendosa të krijoja ‘Albanian Voices’, me shpresën për ta ndarë këtë kulturë të mrekullueshme me pjesën tjetër të botës”, rrëfen vajza amerikane, transmeton Zhurnal.mk.