Në listë për t`u kthyer janë 27 familje të komunitetit rom dhe egjiptian, ndërkaq për shtatë prej tyre do të ndërtohen shtëpi.

Marrëveshja trepalëshe parasheh që Komuna të ndajë parcela për rikthimin e të zhvendosurve. Sipas marrëveshjes, UNHCR-ja do të mbështesë ndërtimin e shtëpive për të kthyerit.

Përfaqësuesi i UNHCR-së, Besim Alaj ka bërë të ditur se kjo organizatë do t`i mbështesë këta të zhvendosur edhe me pako ushqimore e higjienike.

Sipas marrëveshjes, të zhvendosurit nga këto dy shtete fqinje do të mund të kthehen në Pejë nga mesi i tetorit të këtij viti.

Komuna e Pejës tashmë ka ndarë parcelat për ndërtimin e shtatë shtëpive, ndërkaq për 20 të tjera, autoritete komunale kanë thënë se nevojitet ndonjë donacion.

Sipas Durim Sheremetit, shef i kabinetit të kryetarit Gazmend Muhaxheri, Komuna prej dy vjetësh është marrë me çështjen e të zhvendosurve në Mal të Zi dhe në Maqedoni, por vetëm tash ka arritur të bëjë të mundshëm kthimin e disa familjeve, shkruan Koha Ditore.