Lionel Messi beson se sfida e vërtetë e Argjentinës në Botëror do të fillojë tashti, derisa argjentinasit po përgatiten për sfidën e së martës ndaj Zvicrës.

“Jam i lumtur që jemi kualifikuar në fazën e dytë, si fitues të grupit, por një Botëror tjetër nis sot” ka shkruar ylli i Barcelonës në faqen e tij në Facebook.

“Ne me të vërtetë duam të arrijmë diçka të madhe”, ka shtuar Messi, i cili shkëlqeu në fazën e grupeve, duke realizuar katër gola.

Kjo njëherësh do të jetë edhe një përballje në mes të Messit dhe Shaqirit, i cili shihet si një rrezik i madh për portën e Argjentinës.