Dy vjet më parë, Sergio Ramos dhe Cristiano Ronaldo humbën penalltitë në eliminimin nga Bayern Munich në gjysmëfinale, por mbrojtësi dhe sulmuesi i Real Madridit u hakmorën ndaj gjigantit bavarez.

Ata shënuan nga dy gola secili në fitoren 4:0 në ndeshjen e kthimit në Allianz Arena të martën, duke ia siguruar skuadrës së tyre finalen e madhe të Ligës së Kampionëve në Lisbonë.

“Nuk e kam ditur se Sergio Ramosit i pëlqen të godet penalltitë mbi portë”, shkroi portieri i Bayernit, Manuel Neuer aso kohe, në Twitter.

Ndërsa, Ramos e priti kundërpërgjigjen.

Mbrojtësi shënoi dy herë me kokë, kurse dy golat e tjerë i realizoi Ronaldo – që po ashtu ishte në mision të hakmarrjes – duke kualifikuar Realin në finale dhe eliminuar turpshëm Bayernin, skuadër që ka dominuar në edicionin e kaluar të garës.