Mbrojtësi i Barcelonës, Dani Alves e ka falënderuar tifozin i cili ia hodhi para këmbëve bananen, gjatë fitores 3:2 ndaj Villarrealit, të realizuar nga gjiganti kataluas të dielën mbrëma.

Braziliani e mori frutin dhe e futi në gojë, ndërsa po përgatitej të harkonte nga korneri, në pjesën e dytë të ndeshjes së La Ligas.

Dhe, Alves, i cili harkoi në dy autogolat që i shënuan vendësit, thotë se tifozi në fjalë e ndihmoi që t’ia jepte energjinë e duhur për ta ndihmuar Barcelonën që të kthehej në lojë.

“Nuk e di se kush ishte, por faleminderit kushdo qoftë ai që e hodhi bananen. Ajo më dha mua energji për krosimin e dy golave që i shënuam”, ka thënë Alves pas ndeshjes.

Gjatë 11 vjetësh qëndrimi në Spanjë, Alves ka qenë edhe në të kaluarën ‘viktimë’ e gjesteve të tilla, në periudhën kur luante ne Sevilla, por edhe në Barcelonë.