Mesfushori i Chelseat, Eden Hazard është zgjedhur ‘Futbollisti më i mirë i ri i vitit në Premierligë’.

Përfaqësuesi belg përfundoi përpara sulmuesit të Liverpoolit, Daniel Sturridge, ndërsa mbrojtësi i majtë i Southamptonit, Luke Shaw e zuri pozitën e tretë.

Hazard ishte lojtari më i rëndësishëm i Blues këtë sezon, në luftën për titull të kampionit, duke realizuar 14 gola dhe ka dhënë edhe shtatë asistime në 33 ndeshje të zhvilluara.

23 vjeçari po ashtu ishte emëruar në ekipin e vitit të Premierligës, së bashku me bashkëlojtarët nga Chelsea, Petr Cech e Gary Cahill.

Mesfushori i Arsenalit, Aaron Ramsey, futbollisti i Evertonit, Ross Barkley dhe ai i Liverpoolit, Raheem Sterling, ishin po ashtu në listën fillestare të nominimeve.