Ne kemi luajtur futboll kudo.

Kemi luajtur në shkollë, në lagje, por ndonjëherë kemi luajtur edhe brenda në shtëpi.

Megjithatë, pavarësisht se ku kemi luajtur, disa rregulla nuk ndryshonin kurrë.

Më poshtë është lista e rregullave të pandryshueshme të cilat lajmi.net e transmeton për ju:

1) Nëse topi ka qenë i yti, ti në parim ke qenë vet “Zoti”

“Gol ishte”

– “Jo nuk ishte se e mbrojti portieri”

“Gol ishte more”

– “Hej topi jem është edhe s’ishte gol”

Edhe kështu vendosej që nuk ishte gol.

2) Loja ka zgjatur deri në atë moment kur krejt jemi lodhur

Në fëmijëri loja nuk zgjaste 45 minuta një pjesë, por zgjaste deri në momentin që të gjithë lodheshim dhe nuk kishim forcë të luanim më.

3) Fituesi u zgjidhte sipas metodës “Kush e jep golin e fundit do të fitojë”, edhe pse njëri ekip ka mundur të jetë në epërsi prej 15-6

4) Portier gjithmonë zgjidhej ai i cili ishte më i trashi

Kjo për shkak se fëmijët me mbi-peshë nuk kishin kondicion për të vrapuar dhe akuzoheshin se nuk ishin të aftë për të qenë lojtar.

5) Nuk kishte arbitër

Kush ka nevojë për arbitër kur ata gjithmonë janë gabim.

6) Nuk ka top? Një shishe e plastikës kryen punë

Zakonisht nëse nuk kishim top e përdornim ndonjë shishe të plastikës për të luajtur.

7) Gjëja më e keqe ishte nëse zgjidheshe i fundit për të qenë pjesë e ekipit

Zakonisht kur zgjidheshin 2 persona për t’i ndarë ekipet, ata detyroheshin të zgjidhnin se kë dëshironin në ekipin e tyre dhe fillonin t’i përzgjedhnin një nga një duke filluar nga më i forti, shkruan lajmi.net.

Prandaj nëse zgjidheshe i fundit, do të thotë se të gjithë të tjerët para teje ishin më të fortë se ti.

8) Nëse lojtari që topi ishte i tij zemërohej, atëherë loja përfundonte

Kjo është më se e vërtetë. /lajmi.net