Autoritetet në Tirolin Jugor, rajon autonom në verilindje të Italisë, kanë arrestuar një 29-vjeçar nga Kosova.

I njëjti dyshohet se është treguar agresiv ndaj partneres së tij për vite të tëra duke e kërcënuar, ofenduar, goditur dhe poshtëruar vazhdimisht.

Krejt kjo bëri që viktima t’i lajmëronte autoritetet, shkruan unsertirol24.com, transmeton lajmi.net.

Më pas, gjykata e Bolzanos, bazuar në hetimet, lëshoi një ndalim për t’iu afruar gruas dhe shtëpisë së saj. Megjithatë, gjatë muajve të fundit, 29-vjeçari ishte përpjekur vazhdimisht të afrohej me gruan duke u përpjekur të futej në banesën e saj.

Më 10 dhjetor, policia e kapi 29-vjeçarin pranë shtëpisë së ish-partneres së tij. Ai u arrestua menjëherë për shkelje të ndalesave. Burri më pas u burgos në burgun e Bolzanos me urdhër të zyrës së prokurorit publik të Bolzanos.