Në Kosovë nuk pati qetësi brenda tri ditëve të fundit.

Një vrasje e rëndë ndodhi në Prizren, ku i riu u ther me thikë dhe si shkak i plagëve të marra ndërroi jetë.

Pas ngjarjes, policia arriti të arrestojë të dyshuarin i cili edhe u dërgua në mbajtje.

E një ngjarje tjetër tragjike ndodhi në qytetin e Gjilanit ku në pikë të ditës në qendër të qytetit u vranë tre persona e i plagosur mbeti një tjetër.

Në arrati në lidhje me këtë rast vazhdojnë të jenë të dyshuarit: Mefail Shkodra, Edonis Shkodra dhe Engjull Shkodra.

E një tjetër vrasje u raportua mbrëmë në kryeqytet, saktësisht në Hajvani.

Të shtënat me armë zjarri i morën jetën një personi.

Viktima e këtij rasti u dërgua pa shenja jete në QKUK, kurse policia e konfirmoi rastin dhe se i dyshuari tanimë i identifikuar është në kërkim.

“Vdekja e viktimës mashkull është konstatuar nga ekipi mjekësor në QKUK. Policia ka nisë një hetim për zbardhjen e rastit”, u tha nga policia./Lajmi.net/