Lajmi.net më poshtë i sjell 4 mitet më të zakonshme rreth pirjes së duhanit, e që në të vërtetë ka rezultuar se janë të pa vërteta.

1) Gratë e vajzat pinë më shumë sesa meshkujt e djemtë

Gjinia femërore në përgjithësi asnjëherë nuk ka konsumuar duhan më shumë sesa meshkujt.

Në anketimet e fundit ka rezultuar që meshkujt pinë shumë më shumë duhan sesa femrat.

Në vitin 1945 në Australi, 72% e meshkujve kanë pirë duhan, përderisa tek femrat ka qenë përqindja 26%, transmeton lajmi.net.

Momentalisht në Australi 15% e meshkujve dhe 12% e femrave pinë duhan rregullisht.

2) Fushatat vetëdijësuese “nuk kryejnë punë”

Qindra anketime i kanë pyetur ish duhan pirësit se përse kanë ndaluar së konsumuari.

Veç atyre, ata i kanë pyetur edhe duhan pirësit se përse po provojnë ta ndalin dhe 55.7% e të anketuarve nga dy palët kanë deklaruar se arsyeja kryesore se përse po provojnë të heqin dorë nga duhani është për shkak të ndikimit që tjerët e kanë në ta, transmeton lajmi.net.

3) Nëse e mbështillni duhanin vet ai do të jetë më ‘natyral’ se ai i prodhuari në fabrikë

Zakonisht personat që e mbështjellin vet duhanin thonë se kompanitë që prodhojnë cigare i mbushin ato me kimikale varëse, duke thënë se duhani i tyre është ma natyror, raporton lajmi.net.

Mirëpo ky mit është thyer kur autoritetet e Zelandës së Re kishin urdhëruar që kompanitë e duhanit t’i japin atyre të dhënat e përbërësve të duhanit dhe kishte dal që në cigaret e përpunuara nga fabrika ka 0.2% kimikale varëse, ndërsa në ato që i mbështillni vet ka 22.5%.

4) Të gjithë njerëzit i dinë dëmet që i sjell pirja e duhanit

Njohuria e këtyre dëmeve ndahet në 3 nivele:

– Keni dëgjuar që pirja e duhanit i rrit rreziqet për probleme shëndetësore

–  Keni njohuri se duhani i shkakton X sëmundjet…

– E dini saktësisht probabilitetin e rrezikut që ndërlidhet me pirjen e duhanit dhe sëmundjet specifike

Për nivelin e parë kanë njohuri më shumë se 80%, mirëpo anketimet kanë bërë të ditur se përderisa i shikon nivelin 2 dhe 3, njohuritë e njerëzve vetëm sa zvogëlohen pasi që vetëm 2 në 3 njerëz që pinë duhan e dinë rrezikun e vërtetë që e sjell pirja e duhanit. /lajmi.net