Anise krerët e partive opozitare janë shprehur se do të ishte me e arsyeshme që zgjedhjet të mbahen më 21 dhjetor, pasi sipas tyre do të ishte me e përshtatshme për qytetarët dhe KQZ-në, duket se data 28 dhjetor u konvenoi më tepër tetë partive poltike duke lënë kështu vetëm pesë parti të cilat ishin pro datës 21 dhjetor. Për dallim partia në pushtet dhe dy paritë tjera të cilat janë në koalicion me LVV-në, Guxo dhe Alternativa, propozuan që zgjedhjet e parakohshme të mbahen me datë 28 dhjetor.

Sipas Faton Peci, nga Guxo, data 28 dhjetor do të ishte më e përshtatshme pasi siç thekson KQZ ende nuk ka certifikuar rezultatin e zgjedhjeve lokale.

“Ne si Guxo kemi mbrojmë qëndrimin mes 21 dhe 28 dhjetor kemi preferu datën 28 dhjetor sepse KQZ ende nuk ka certifikuar rezultatin e zgjedhjeve lokale për shkak të nevojës që të kemi koordinim edhe të KQZ-së edhe të partive politike por edhe nevojës për organizimin më të mirë të ambasadave dhe të konsulatave në vende të BE-së por edhe përtej, SHBA dhe ky është propozimi jonë.  Data optimale mes 21 dhe 28, më e përshtatshmja është data 28 dhjetor”, ka thënë Peci pas takimit.

Ndryshe për këtë kreu i AAK-së, Ramush Haradinaj, gjatë fjalës së tij reagoi duke thënë se data 28 dhjetor do të ishte një përbuzje dhe ofendim në drejtim të qyetarëve, pasi është një datë e afërt me ngjarjet festive.

“Sepse pushteti po e kërkon datën 28 dhjetor ajo periudhë është periudhë shumë e çmuar e familjeve tona e ngjarjeve festive, është një arrogancë nga politika, përbuzje deri në ofendim me ju shpallë zgjedhjet me 28 dhjetor pra në periudhë të pushimeve dimërore që me mbet me numërime deri në natën e vitit të ri kështu që besoj që data 21 është me e racionale”, deklaroi Haradinaj.

Edhe Bedri Hamza nga PDK e Fatmir Limaj nga Nisma, janë shprehur në një linjë me Haradinaj se data 21 dhjetor është data më e përshtatshme.

“Data tjetër u përmend 28 ne kemi qenë për 21, për më shumë se një arsye sepse data 28 është datë kur realisht është para ndërrimit të vitit”, ka thënë Hamza.

Një problem tjetër me të cilin pritet që të përballet vendi në rast se caktohet data 28 dhjetor për zgjedhjet parlamentare mbetet ajo se organizatat e huaja dhe Ambasadat e vendeve perëndimore, nuk do të jenë në Kosovë për të monitoruar procesin zgjedhor pasi në këtë periudhë është kohë festash.

Tashmë shpërbërja e Kuvendit dhe shkuarja në zgjedhje, pritet të shkaktojë problem edhe për Komisioni Qendror të Zgjedhjeve (KQZ), pasi ende nuk është përmbyllur procesi i certifikimit në zgjedhjet lokale.

Organizimi edhe i një procesi të ri zgjedhor brenda një periudhe të shkurtër, sigurisht që përbën sfidë për Komisionin Qendror të Zgjedhjeve dhe stafin e tij, veçanërisht për faktin se aktualisht jemi në fazën përmbyllëse të administrimit të zgjedhjeve lokale. Megjithatë, KQZ, si gjithmonë, do të veprojë në përputhje me mandatin kushtetues dhe ligjor si dhe do të ndërmarrë të gjitha veprimet e nevojshme për mbajtjen e zgjedhjeve të reja”, ka thënë Elezi.

Ndërkaq Kosova është zhytur në krizë të thellë që nga përfundimi i zgjedhjeve të fundit parlamentare, të cilat u zhvilluan para pothuajse dhjetë muajsh, ndërsa vendi rrezikon jo vetëm regres të mëtejshëm institucional, por edhe pasoja ekonomike dhe sociale. /Lajmi.net/