Aksidenti me fatalitet në Çubrel të Skenderajt, tre të vdekur e pesë të lënduar – Katër nga të lënduarit ishin policë
Një aksident trafiku me fatalitet ka ndodhur sot në magjistralen Mitrovicë-Pejë ku kanë humbur jetën tre persona ndërsa janë lënduar pesë të tjerë. Policia e Kosovës ka njoftuar se në këtë aksident është përfshirë edhe një veturë zyrtare e Policisë dhe katër nga pesë të lënduarit ishin zyrtarë policorë. “Sonte rreth orës 18:40, është raportuar…
Lajme
Një aksident trafiku me fatalitet ka ndodhur sot në magjistralen Mitrovicë-Pejë ku kanë humbur jetën tre persona ndërsa janë lënduar pesë të tjerë.
Policia e Kosovës ka njoftuar se në këtë aksident është përfshirë edhe një veturë zyrtare e Policisë dhe katër nga pesë të lënduarit ishin zyrtarë policorë.
“Sonte rreth orës 18:40, është raportuar për aksident trafiku me pasoja fatale, i cili ka ndodhur në rrugën rajonale Mitrovicë-Pejë, segmenti rrugor në fshatin Çubrel të Skenderajt. Në këtë aksident janë përfshira dy vetura, njëra prej tyre veturë zyrtare e policisë. Si pasojë e aksidentit, bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor. Njësitë policore dhe stafi menaxhues kanë dalur në vendin e ngjarjes, ndërsa për hetimet dhe shkaqet e aksidentit po merren hetuesit e njësitit rajonal të trafikut rrugor. Lidhur me rastin janë njoftuar institucionet kompetente, IPK-ja dhe Prokurori kompetent të cilët pritet të dalin në vendin e ngjarjes”, thuhet në komunikatën e Policisë. /Lajmi.net/
