Zëdhënësi i Ministrisë së Punëve të Brendshme, Ivo Kotevski është shprehur në një konferencë për mediat se gjatë protestës që u mbajt sot kanë mbetur 20 të lënduar dhe 6 të arrestuar.

“6 persona nga protestuesit janë arrestuar, njëri prej të cilëve është ankuar për lëndime dhe është dërguar në spital. Gjithashtu është dëmtuar ekspozitura e ‘Komercijallna Bankës’, disa automjete dhe një dyqan. Gjatë ditëve në vijim me ndihmën e filmimeve tona dhe me ndihmën e filmimeve të mediave do të vazhdojmë identifikimin e atyre që morën pjesë në protesta dhe u rrahën me policinë”, tha Kotevski.

Ai ka nënvizuar se policia po punon për të ndjekur ata persona që kanë organizuar protestën, që sipas, Koteskit, shkaktoi trazirë dhe rrëmuja,

/albeu

—————————————–

(E plotësuar)

Është ulur tension i protestës në Shkup, me të arrestuar dhe të lënduar si nga ana e protestuesve, ashtu edhe të policëve. 

Policia nuk ndaloi as në lagjet e vogla dhe rrugicat e lagjes  Seroves dhe Çaircanës. Shok bombat dhe bombat lotsjellëse nuk munguan as nëpër shtëpitë e qytetarëve dhe oborret tyre. Tek ura në lagjen Çairçanja, policia dhe protestuesit përsëri u ballafaquan. Kësaj radhe edhe më ashpër.

Disa here ka intervenuar ndihma e shpejt. Të lënduar ka edhe pjesëtar të policisë edhe protestues . U deshën pothuajse 3 orë të tëra, që policia duke shfrytëzuar çdo mekanizëm, të  ndalë valën e protestuesve.

Dëmet ende vërehen neper rrugët e qytetit. Pavarësisht qetësisë dhe largimit të protestuesve, zjarri dhe gjësendet e hedhura e ngarkojnë komunikacionin. (Alsat M)

————————————-

(E plotësuar)

Policia maqedonase ka parandaluar një pjesë të protestuesve të nisen drejt ndërtesës së Qeverisë, duke arrestuar disa prej tyre.

Disa të lënduar dhe arrestuar është bilanci i protestave të sotme, pas intervenimit të policisë e cila parandaloi një pjesë të protestuesve të nisen drejt ndërtesës së Qeverisë në afërsi të QT Mavrovasja. Protestuesit pas marshit deri tek gjykata themelore e Shkupit filluan të gjuajnë me gurë mbi ndërtesën e këtij institucioni, ku edhe u shqiptua dënimi për të akuzuarit për rastin Monstra. Në momentin kur një pjesë e protestuesve filluan të tërhiqen, ndërsa pjesa tjetër të shkojë drejt qeverisë, intervenoi policia me shok bomba dhe gazë lotsjellës.

Policia gjatë intervenimit arrestoi disa nga protestuesit, ndërsa të tjerët u zmbrapsën. Gjatë përndjekjes së demonstruesve, policia përdori edhe autobotet me ujë, ndërsa vazhdonin edhe detonimet e shok bombave dhe bombave lotsjellëse. 

Përndjekja vazhdoi deri në hyrje të lagjeve Çairçanja dhe Serovë, gjithnjë nën zhurmën dhe tymin e shok-bombave, dhe ujit të autoboteve. Aktualisht policia ka bllokuar daljet nga Çairi dhe po tenton të neutralizojë protestuesit. Nga MPB-ja thonë se deri tani nuk kanë bilanc të saktë të të lënduarve dhe arrestuarve. (Alsat M)

—————————————

Në Shkup kanë nisur protesta si shenjë revolte për dënimet ndaj të akuzuarve në rastin “Monstra”. 

Mijëra qytetarë të grumbulluar para Qendrës Tregtare Çairçanja, filluan protestën e paralajmëruar kundër rastit ‘Monstra’. Qytetarët të organizuar nëpërmjet rrjeteve sociale përmes protestës në fjalë, po shprehin pakënaqësinë e tyre rreth rastit ‘Monstra’, për të cilin vlerësojnë se është rasti i montuar. Në krye të protestës qëndrojnë familjarët e të dënuarve, raporton Alsat M.

Protestuesit brohorisin ‘Duam drejtësi’. Më 30 qershor Gjykata themelore shqiptoi dënimin me burg të përjetshëm për 6 të akuzuarit në rastin ‘Monstra’. Protesta e cila  filloi nga Çairçanja,  vazhdoj në  drejtim të Bit Pazarit dhe u ndal para gjykatës themelore. Disa nga protestuesit filluan të gjuajnë me gurë  në drejtim të gjykatës. Kjo shkaktoi intervenimin e policisë e cila me shok bomba dhe me gaz lotsjellës shpërndau protestuesit.

Protestuesit e acaruar me thirrje kundër montimeve të rasteve nga Gjyktata e Shkupit, po gjuajnë me gurë ndërtesën e gjykatës në Shkup. Mijëra protestues po kërkojnë drejtësi për shqiptarët. (ALSAT M)