Deputetët e Kuvendit të Kosovës janë mbledhur edhe sot në Parlament në përpjekjen e 20-të me radhë për të konstituar kuvendin.

Përpos betimit të deputetëve nga kjo legjislaturë nuk është arritur të bëhet asnjë zgjidhje tjetër sa i përket konstituimit të kuvendit dhe zhbllokimit të ngërçit politik e institucional.

Në këtë seancë, kryesuesi Avni Dehari njoftoi se të pranishëm janë 111 deputetë.

Pas kësaj, ai ftoi partitë politike PDK, LDK, AAK-Nisma që të propozojnë anëtarët për komisionin për votim të fshehtë.

Pas kësaj, partitë politike refuzuan të bëjnë këto propozime si edhe në seancat e kaluara.

Me këtë rast Dehari njoftoi se ky propozim mori 53 për, s’ka kundër dhe as abstenim.

Seanca përfundoi dhe deputetët pritet të mblidhen pas 48 orëve në ora 11:00./Lajmi.net/