Një përleshje mes dy personave, saktësisht dy punëtorëve të Telekomit të Kosovës.

Kjo përleshje ka ndodhur jashtë objekteve të Telekomit, dhe në lidhje me rastin ka inicuar rast edhe Policia e Kosovës.

Lajmin për lajmi.net e ka konfirmuar edhe Udhëheqësi i Zyrës për Komunikim në Telekom, Fadil Lepaja.

“Sipas informacionit që posedojmë, ka ndodhur një përleshje jashtë objekteve të Telekomit. Policia e Kosovës ka ndërhyrë në vendin e ngjarjes dhe ka hapur rast për veprën penale të kategorizuar si “Sulm””, ka thënë ai.

Ai ka thënë se ende nuk dihet arsyeja e saktë e incidentit, ndërkaq po e vlerësojnë nëse duhet të merren masa. 

“Ende nuk e dimë arsyen e saktë të incidentit. Vetëm pas sqarimit të plotë të situatës dhe rrethanave, kompania mund të vlerësoj nëse është e nevojshme të merren masa shtesë edhe brenda kompanisë, në harmoni me obligimet ligjore dhe .rregulloret e brendshme”, ka thënë Lepaja për lajmi.net.

Rastet e rrahjeve dhe të sulmeve mes zyrtarëve në vendin tonë nuk janë të rralla, por deri tani të rralla janë rastet kur merren masa ndaj tyre. /Lajmi.net/