Kandidati i LDK-së për kryetar të Prishtinës, Përparim Rama, ka reaguar pas incidentit të dhunshëm që ndodhi sot para objektit të Komunës së Prishtinës.

Përmes një postimi në rrjete sociale, Rama e ka quajtur ngjarjen “plotësisht të papranueshme dhe të dënueshme”, duke kërkuar që institucionet e drejtësisë të veprojnë me përgjegjësi, raporton lajmi.net

“Dhuna që ka ndodhur sot para objektit të Komunës së Prishtinës është plotësisht e papranueshme dhe e dënueshme. Institucionet publike duhet të mbesin hapësira të dialogut e bashkëpunimit, jo të përplasjeve. Ne presim që organet e drejtësisë ta trajtojnë rastin me përgjegjësi”, ka shkruar Rama./Lajmi.net/