Tensione janë shënuar edhe mes disa mërgimtarëve që ndodheshin në Kuvendin e Kosovës, në një ditë kur zhvillimet e tensionuara politike kanë sjellë përplasje edhe jashtë sallës plenare.

Gjatë një momenti të krijuar mes tyre, njëri nga mërgimtarët dëgjohet duke iu drejtuar tjetrit me fjalët: “Ma se nuk e din kush jam unë?”

Nuk dihen detaje të tjera për shkakun e përplasjes mes tyre, ndërsa situata është zhvilluar në ambientet e Kuvendit, ku mërgimtarët kishin shkuar për vizitë.

Këto zhvillime vijnë në një ditë të tensionuar në Kuvend, ku deputetët janë përfshirë në debate dhe përplasje të shumta lidhur me vazhdimin e seancës konstituive. /Lajmi.net/