Një person është ndaluar në Kllokot, pasi dyshohet se po transportonte 20 derra të vegjël pa dokumentacion përcjellës.

Rasti ka ndodhur më 5 shtator, rreth orës 09:15. Sipas Policisë së Kosovës, njësiti policor ka ndaluar një automjet furgon me targa vendore, të cilin ishte duke e drejtuar i dyshuari, shkruan lajmi.net.

“Me të cilin automjet kishte qenë duke i transportuar 20 krerë derra të vogël (gica) pa dokumente përcjellëse”, thuhet në raportin e policisë.

Në konsultim me prokurorin është iniciuar lënda e rastit. I dyshuari, së bashku me automjetin dhe kafshët, është liruar.

Ndërkaq, për procedurat e mëtejshme lidhur me rastin janë marrë zyrtarët e Agjencisë së Ushqimit dhe Veterinarisë (AUV). /Lajmi.net/