Shtënia me armë zjarri pasditen e sotme në lagjen “Kodra e Trimave“ në Prishtinë rezultoi me dy persona të lënduar.

Lajmi.net ka siguruar disa fotografi dhe pamje nga QKUK ku të njëjtët edhe janë dërguar për trajtimet adekuate.

Policia ndërkohë po përkujdeset edhe afër për sigurinë e mëtejshme të dy viktimave të rastit.

Ndërkaq, si rezultat i shpejtë i punës së tyre, Policia ka njoftuar se dy personat e dyshuar për kryerjen e rastit janë identifikuar, e njëri prej tyre tashmë edhe ka përfunduar në arrest.

Për gjendjen e dy të plagosurve ndërkohë drejtori i Emergjencës, Naser Syla ka thënë se është stabile.

Ai njoftoi se trajtimi i tyre po vazhdon në Qendrën Emergjente dhe se do të shikojnë tutje se si do të vazhdojë trajtimi i tyre./Lajmi.net