Nuk kanë të ndalur sukseset në arenën ndërkombëtare nga xhudistët kosovarë, ku tani i është siguruar një tjetër medalje Kosovës.

Bëhet fjalë për xhudisten Flaka Loxha, që prekur finalen e Kupës së Botës në Sofje të Bullgarisë.

Pas luftës së saj me bullgaren, Ivelina Ilieva, kosovarja pësoi humbje me Ippon në finale.

Kështu duke fituar Flaka Loxha medaljen e argjendtë në kategorinë deri 57 kilogramë, për njërin prej sukseseve më të mëdha në karrierën e saj.

Në rrugëtimin e saj, Loxha raundin e parë e kaloi pa luftë, kurse në të dytin e mposhti xhudisten nga Belgjika, Eveline Delbaen.

Në çerekfinale, ajo vazhdoi paraqitjen mbresëlënëse duke e mposhtur edhe boshnjaken, Andjela Samardzic, kurse në gjysmëfinale shënoi fitore kundër Adriana Salvador Rodriguez të Spanjës./Lajmi.net/