Gazetari i lajmi.net, Selim Miftari, sot ka publikuar për herë të parë pamjet e zënkës që ndodhi disa minuta para vrasjes së Lulzim Fejzullahut, vrasje kjo që ndodhi para disa muajve në Podujevë.

Në pamjet e publikuara, shihet kur vetura me tre të rinjë brenda i afrohet Lulzim Fejzullahut i cili ishte në këmbë.

Pasi sheh veturën, i ndjeri kishte nxjerrur një mjet të mprehtë me të cilin dyshohet se kishte shpuar gomën e veturës dhe kishte therur shoferin në këmbë.

Tre të rinjtë kishin dalur pastaj nga vetura ku edhe ishin shkëmbyer disa grushta mes tyre dhe të ndjerit.

Pas kësaj, të rinjtë largohen me veturë, ndërsa pak minuta më vonë, dy nga personat që ishin në veturë, ishin kthyer duke e ndjekur Lulzimin, duke e goditur me veturë e pastaj duke e rrahur për vdekje, vepër penale kjo për të cilën tashmë dy të dyshuarit e mitur po gjykohen. /Lajmi.net/

*Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës prerë!

Video e plotë: