Skuadra kosovare, Bad News Eagles kanë pësuar edhe humbjen e tretë.

Ata u mposhtën në ‘Ancient’ 16: 14 ndaj skuadrës amerikane, Complexity.

BNE e nisën mjaft mirë rrugëtimin e tyre në turneun që po zhvillohet në Finlandë, duke mposhtur Saw.

Por, gjërat më pas u vështirësuan, pasi pësuan tri humbje me radhë.

Fillimisht pas një përballje tejet të mirë u mposhtën nga Astralis. Më pas nuk ia dolën ndaj skuadrës bullgare, 500.

Kurse, humbjen e tretë e pësuan kundër amerikanëve, Complexity.

Bad News Eagles ndodhën në grupin B të ‘Elisa Masters Espoo’ ku kanë tri humbje dhe një fitore.

Me fillim nga ora 19:00 ‘Shqiponjat kosovare’ përballen me fnatic./Lajmi.net/