Politikani serb, Aleksandar Arsenijeviq, është ndaluar edhe njëherë për 48 orë nga Policia e Kosovës.

I njëjti është ndaluar nën dyshimet për veprën penale “Ngacmim”.

Zëdhënësi i policisë për rajonin e Mitrovicës së Veriut, Veton Elshani, e ka konfirmuar lajmin për lajmi.net.

Elshani tha se Arsenijeviq e ka ngacmuar shefin e kabinetit të kryetarit të Komunës së Mitrovicës së Veriut, Visar Sylën, të cilit i ka fishkëllyer.

“Me urdhër të prokurorit është bërë intervistimi  i Aleksandar Arsenijoviqit dhe se pas intervistimit me urdhër të prokurorit është dërguar në mbajtje 48 orë për veprën ngacmim”, ka thënë Elshani./Lajmi.net