Gjatë një kontrolli të detajuar në një automjet që po hynte në Kosovë, një udhëtar deklaroi se nuk posedonte mjete monetare për deklarim, megjithatë tek i njëjti u gjetën dhe u konfiskuan mbi 10 mijë euro.

Kjo ndodhi në pikën kufitare në Vermicë, derisa Dogana e Kosovës ka ndërmarrë masat e parapara ligjore, ku është konfiskuar 25%  e shumës së padeklaruar kurse pjesa tjetër e mjeteve është ndaluar përkohësisht, deri në përfundimin e procedurave të mëtejshme, transmeton lajmi.net.

“Dogana e Kosovës rithekson rëndësinë e respektimit të obligimeve ligjore nga të gjithë qytetarët dhe udhëtarët që kalojnë përmes pikave kufitare, duke rikujtuar se çdo shumë mbi 10,000 euro, e bartur në hyrje apo dalje nga territori i vendit, duhet të deklarohet paraprakisht pranë zyrtarëve doganorë”, thuhet tutje në njoftimin e Doganës./Lajmi.net/