Por përkundër kësaj, drejtori i kësaj organizate, Jahir Bejta tha se do të këmbëngulin vazhdimisht derisa sa kërkesat e tyre të aprovohen dhe të kompensohen dëmet e luftës.

“Sot vina për herë të tetë me i dorëzuar dosjet. Jena ardh këtu në dy pozicione të betonuar, ngritja e zërit në anën e mbrojtjes së drejtësisë dhe në anën e viktimave. Ndërsa Gjykata Kushtetuese duke i vulosur hipotetikisht me vulë apostile padrejtësinë e gjykatave të rregullta. Them me vulë apostile për faktin se e vetmja Kosova në rajon, e cila nuk ka të drejtë të padisë shtetin e vet kur i bënë padrejtësi. Pasi nuk jemi në Këshillin e Evropës”, tha ai.

Ai tha se politika duhet të vendosë majat e drejtësisë njerëz që nuk kanë hipotekë të kaluarës.

“ Ne do të këmbëngulim gjitha herët edhe sa herë të refuzohemi deri sa politika jonë të ndryshojë qasjen. Derisa sa politika jonë në majat e drejtësisë vendos njerëzit pa hipotekë të kaluarës. Ndaj lustracioni është i domosdoshëm në gjyqësinë kosovare”, tha ai.

Megjithëkëtë, Bejta nuk bëri të ditur shumën totale të kompensimit të dëmeve të luftës, pasi tha se shteti nuk iu ka lënë qasje me u shtri në të gjitha komunat e vendit.

“Këtu prapë është mungesë e faktorit dhe vullnetit politik për arsye se nuk na kanë lanë qasje me u shtri në gjitha komunat e Kosovës. Ndaj viktimat e shkreta shteti ynë i ka lënë në lloq. I ka lënë në baltë, e pikërisht nuk e ka galjen e tyre”, u shpreh ai.

Krahas kësaj, Bejta tha se drejta e shqyrtimit të padive është parapare në mënyrë decidive me Ligjin për Procedurën Kontestimore me Kushtetutë dhe me Konventën ndërkombëtare për Liritë dhe të Drejtat Themelore.