Leipzigu do të synojë që të mbajë hapin në tabelë me liderin Bayernin, ku pas 28 ndeshjeve gjenden në pozitën e dytë, me gjithsej 60 pikë, pesë sosh më pak se Bayerni, përcjell KosovaPress.

Ndërkaq, Hoffenheim pas 28 xhirosh zë vendin e 12 në tabelë, me tetë fitore, shtatë barazime dhe 13 humbje, duke kështu arkëtuar 31 pikë.

Të dy trajnerët do të kenë probleme me mungesa, ku tek Leipzigu nuk do të paraqiten Hwang Hee-Chan, Kluivert dhe Laimer.

Në anën tjetër tek Hoffenheim lista e mungesave është e gjatë, dhe në këtë ndeshje do të mungojnë Adamyan, Akpoguma, Bicakcic, Gacinovic, Geiger, Hubner, Stafylidis dhe Vogt.

Formacionet e mundshme të dy skuadrave i gjeni më poshtë.

RB Leipzig (3-4-2-1): Gulacsi; Konate, Upamecano, Orban; Adams, Sabitzer, Kampl, Angelino; Nkunku, Olmo; Sorloth

TSG Hoffenheim (3-4-1-2): Baumann; Posch, Grillitsch, Richards; Kaderabek, Rudy, Samassekou, Sessegnon; Baumgartner; Bebou, Kramaric

20:30 RB Leipzig (2) – TSG Hoffenheim (12) (Stadiumi Red Bull Arena)