Të Infektuar: 57.317

Të Shëruar: 50.487

Të Vdekur: 1.447

​Kurti: Qeveria Hoti nuk është legjitime, presidenti duhet të zgjidhet pas zgjedhjeve

17:15 | 26 Nentor 2020

Kryetari i Lëvizjes Vetëvendosje Albin Kurti është takuar sot me shefin e Zyrës së Bashkimit Evropian, ambasadorin Tomas Szunyog me të cilin ka diskutuar mbi gjendjen politike dhe çështjen e zgjedhjes së presidentit të ri të vendit.

Ai me këtë rast e ka quajtur të rëndësishme që presidenti i ri të zgjidhet pasi që të kenë folur qytetarët në një proces të ri demokratik zgjedhor, pasi që sipas tij, qeveria e tanishme nuk ka legjitimitet dhe Kuvendi i Kosovës është bërë jofunksional.

“Kur nuk kemi keqqeverisje është mos qeverisje. Kjo qeveri nuk është në gjendje ta drejtojë vendin drejt zhvillimit ekonomik dhe integrimit në BE. Uniteti i korpusit politik vjen pas zgjedhjes së një qeverie me legjitimitet qytetar. Njëherë legjitimitet, pastaj unitet”, u shpreh Kurti.

Ndërsa, ambasadori Szunyog nënvizoi rëndësinë e funksionimit demokratik të institucioneve, një Kuvendi të aftë për të miratuar ligje, nevojën e vazhdimit të dialogut me Serbinë, dhe nevojën për avancimin dhe zbatimin e agjendës së MSA-së.

Të dyja palët u pajtuan se është e nevojshme dhe e dobishme që të vazhdojnë komunikimin dhe bashkëpunimin.