Në këtë mënyrë, bombola është zhveshur prej pjesëve metalike, duke e bërë të padallueshme prej skanerëve me rreze X të vendosur në hyrje të Kuvendit të Kosovës. Kjo është mënyra sesi deputetet e opozitës po e evitojnë sistemin e monitorimit, i cili reagon vetëm në gjësende metalike.

Javën e kaluar, shefi i Grupit Parlamentar të Vetëvendosjes, Glauk Konjufca, deklaroi se granatat me gaz lotsjellës i kanë futur nëpërmjet policisë, duke u përpjekur që të jepte përshtypjen e pasjes së bashkëpunëtorëve në organet e sigurimit, mirëpo me sa duket ekspertiza dhe eksperienca luftarake e disa prej figurave të opozitës ka qenë ajo që ka mundësuar futjen në Kuvend të bombolave me lotsjellës.

Në radhët e opozitës ka shumë deputetë që kanë një të kaluar që mund të shërbejë në të tilla rrethana, duke nisur nga deputeti Rexhep Selimi, i cili dikur ka qenë ministër i Brendshëm në Qeverinë e Përkohshme të pasluftës dhe pasuar mandej edhe me dy ish-komandantë, që tash janë liderë partish, Limaj dhe Haradinaj. /lajmi.net