VV dënon sulmin ndaj kafiterive, por jo edhe ndaj objektit të qeverisë
Dhuna që ka ndodhur gjatë protestës nuk ishte pjesë e skenarit të protestës së sotme ka thënë Lëvizja Vetëvendosje përmes një reagimi. Ajo ka dënuar sulmin ndaj lokaleve private, por jo edhe ndaj objektit të qeverisë.
Lajme
Lëvizja Vetëvendosje, ka reaguar pas dhunës së shkaktuar nga disa protestues.
Përmes një reagimi Vetëvendosje ka thënë se ajo çfarë ka ndodhur nuk ka qenë pjesë e skenarit.
VV ka dënuar sulmin që është bërë lokaleve private, por jo edhe objektit të qeverisë.
“Ato që kanë ndodhur jashtë marshit dhe skenarit për të cilin ishim dakorduar nuk janë pjesë e protestës. Një grup i vogël njerëzish në protestë nuk e kanë respektuar skenarin tonë dhe kanë ndërmarrë veprime me të cilat nuk pajtohemi. Po ashtu dënojmë ashpër dëmtimin e lokaleve private në shesh”.
“Gjithashtu, duam të potencojmë që dy protestuesit e arrestuar nga Policia e Kosovës nuk janë aktivistë të Lëvizjes Vetëvendosje”, thuhet në reagimin e VV-së.
Ndërsa, në anën tjetër, Policia përmes një reagimi ka demantuar VV-në, duke thënë se organizatorët, nuk kishin kërkuar shpërndarjen e protestuesve. (lajmi.net)