VanHoutte: BE sanksione ndaj Maqedonisë, si ndaj Rusisë

Ndërmjetësi i BE-së në krizën politike në Maqedoni,  Piter VanHoutte në një intervistë për javoren “Fokus” është deklaruar për çështje aktuale rreth Maqedonisë.

Lajme

28/04/2016 10:56

 

Në pyetjen e gazetarit: “Dëgjojmë se BE do të vendosë sanksione ndaj udhëheqësisë së DPMNE-së, a mund kjo të ndodhë së shpejti, apo është ky vetëm kërcënim që pushteti të kthjellet?”, VanHoutte ka dhënë këtë përgjigje se mundësia e sanksioneve wshtw duke u shqyrtuar.

“Jam i sigurt se tanimë një kohë po diskutohet mundësia për një gjë të tillë. Qasja është e njëjtë si ndaj Rusisë, nuk bëhet fjalë për embargo të përgjithshme, e cila do të ishte e dëmshme për popullin e Maqedonisë, gjë që nuk duam të ndodhë. Por nëse kemi sanksione të targetuara, restrikcione për udhëtime të funksionarëve, ngrirje të pasurisë së tyre, atëherë këto janë metode efektive për t’i bindur njerëzit të sillen në mënyrë më demokratike” është shprehur për VanHoutte.