“UÇK” sërish merr përsipër sulmin ndaj ndërtesës së Qeverisë në Shkup
Sulmi ndaj Qeverisë me granatë tre ditë më parë, sërish ka nxjerrë në sipërfaqe autorët e ngjashëm të deklaruar dy muaj më parë për sulmin e fundit.
Lajme
Dhe sërish një komunikatë e shpërndarë me logon e UÇK-së, ka marrë përgjegjësinë për sulmin që ndodhi të premten më 10 prill rreth orës 21.00, kur një granatë e hedhur u gjet disa metra afër Qeverisë dhe që ishte shkrepur pranë parkut të Qeverisë.
Granata sipas policisë kishte ardhur nga drejtimi i pjesës tjetër të lumit Vardar apo nga ura “Goce Dellçev”.
Edhe kjo komunikatë e përpiluar me disa rreshta si person përgjegjës ka komandantin me nofkën “Kushtrimi”.
Komunikata e fundit e njohur me të njëjtën nofkë doli se kishte kopjuar nënshkrimin e Presidentit të Bankës Evropiane dhe se kjo kishte pabërë një skandal që pushtoi mediet dhe që rritë dyshimet edhe më shumë se kush në të vërtetë qëndron prapa këtyre sulmeve.