Turistja me profesion infermiere i ka ardhur në ndihmë të plagosurve, duke i dhënë atyre ndihmën e parë deri në mbërritjen e ambulancës. Ajo thotë se nuk e kishte menduar që pushimet e saj do të nisnin me një ngjarje të tillë por shprehet e lumtur që mundi të ndihmonte të lënduarit.

Të plagosurit udhëtonin me një makinë tip Golf me targa greke, të gjithë anëtarë të një familje, 3 të rritur dhe 4 fëmijë. Ata niseshin drejt Greqisë kur makina e tyre u përplas në kthesë me një autobus me studentë nga Tirana që kishin qenë për ekskursion në Sarandë.

Asnjë prej tyre nuk mbeti i lënduar. Ndërkohë, qytetarët e tjerë që rastisën të udhëtonin në këtë zonë thonë se ambulanca u vonua përreth një orë e kjo sipas tyre ka ndikuar edhe në shëndetin e të plagosurve. Fatkeqësisht nga ky aksident i rëndë, një vajzë 12-vjeçare ndërroi jetë në spitalin e Gjirokastrës, ndërsa të tjerët po marrim mjekim në spitalin e Traumës në Tiranë.