Thaçi uron Ramën për fitoren
President i Kosovës, Hashim Thaçi ka uruar kryeministrin aktual të Shqipërisë, i cili është edhe kryetar i Partisë Socialiste, për fitoren në zgjedhjet e 25 qershorit.
Lajme
Thaçi me anë të një postimi në facebook ka thënë se përtej garës politike, mbarëvajtja e procesit zgjedhor ishte fitore për Shqipërinë dhe qytetarët.
“Sot urova Kryetarin e Partisë Socialiste të Shqipërisë dhe mikun tim, Edi Ramën, për fitoren në zgjedhjet e 25 qershorit”.
“Përtej garës partiake, mbarëvajtja e zgjedhjeve të lira dhe demokratike ishte një fitore për Shqipërinë dhe qytetarët e saj”.
“Prandaj, uroj të gjitha institucionet shtetërore të Shqipërisë për suksesin e arritur dhe jam i sigurt se bashkëpunimi vëllazëror dhe institucional me Shqipërinë do të intensifikohet edhe më shumë”, ka shkruar Thaçi./Lajmi.net/